Добротворна акција за помош на соученици од социјално ранливи категории
2024-12-23 16:02:48Известување,
Во пресрет на крајот на 2024 година со цел да се помогне на соученици од социјално ранливи категории и да се промовира хуманоста во училиштето родителите и децата од ООУ „Коле Неделковски“ учествуваа во добротворна акција за помош на соученици од социјално ранливи категории.
За акцијата која се спроведе во декември 2024 година, децата, преку своите родители, беа повикани да донираат симболични 150 денари и беа собрани 86,000 денари. Средствата беа еднакво распоредени, како еднократна помош, на соученици од социјално ранливи категории кои беа идентификувани преку стручните служби и Советот на родители. Акцијата се организираше на иницијатива на Советот на родители на ООУ „Коле Неделковски’.
Благодариме на родителите и децата на ООУ „Коле Неделковски“ за овој хуман гест и ја пренесуваме благодарноста на родителите кои ја примија помошта.
